NON Á VIOLENCIA DE XÉNERO

No Festival de Nadal celebrado no centro puidemos ver o vídeo elaborado polo alumnado de 2º Bacharelato e no que participou alumnado e profesorado para actuar contra a violencia machista.

CANTIGAS AMOROSAS

O alumnado de 3º ESO, despois da lectura e análise das cantigas medievais galego-portuguesas, quixeron dar un paso máis e crear por parellas composicións amorosas actuais imitando a arte de trobar. A Biblioteca compárteas.

 

IGUALDADE

Chegou ao centro a maleta do I Plan de actuacións para a Igualdade nos centros educativos de Galicia 2016-2020, a petición do profesora Cristina Asenjo, coa selección de obras axeitadas e moitas das cales podemos atopar na nosa biblioteca.

 

CONTRA A VIOLENCIA DE XÉNERO

Conmemoramos o Día contra a violencia machista. Estas son algunhas das iniciativas que levamos a cabo.

Iniciativa do alumnado colaborador da Biblioteca de 1º Bacharelato

 

PREMIO SAN CLEMENTE

As alumnas de 2º Bacharelato, membros do Club de lectura, desprazáronse a Santiago para participar na elección das obras premiadas na XXIII edición do Premio literario San Clemente Rosalía A Banca:

 

Para ler e ver máis

 

 

BIBLIOTECAS SOLIDARIAS

No mes das bibliotecas, realizamos a entrega de diplomas ao alumnado colaborador do curso pasado e animamos á continuación neste labor compartido e a novas incorporacións.

25 ANIVERSARIO

Na conmemoración do 25 aniversario do IES San Mamede, a Biblioteca publica un traballo das alumnas colaboradoras onde se dá conta dos encontros con autoras/autores a través das dedicatorias das súas obras.

Club de lectura sénior

Deixamos constituído o Club de lectura con persoas adultas da vila de Maceda, coa inestimable axuda da bibliotecaria pública, Avelina Losada López, que tamén formará parte xunto con Mª Dolores Pérez Ramos, Alicia Garrido Ruido, Mª del Mar Pereira Gil, Lucas Domínguez González, Mª Luisa Garrido Prieto e Aurora Garrido Prieto. Do instituto, as tres mediadoras, Charo Expósito, Yolanda Sanisidro e Chus Sarmiento.

A primeira lectura, O amor nos escuros días de Birkenau, unha novela dun autor local, Alberto Canal, con quen esperamos encontrarnos á volta das vacacións.

Premios San Clemente

As alumnas do Club de lectura veñen de recoller os exemplares dos finalistas nos Premios San Clemente, organizados polo IES Rosalía de Castro de Santiago de Compostela, para comezar a súa lectura nas vacacións de verán. Parabéns ás afortunadas.

Dúas alumnas formarán parte do xurado de Novela en Lingua Galega:

•     Non hai outro camiño de Isaac Xubín.
•     Nordeste de Daniel Asorey.
•    Todo canto fomos de Xosé Monteagudo.

Dúas farano no de Novela en Lingua Castelá:

•    Esa puta tan distinguida de Juan Marsé.
•    La noche de la Usina de Eduardo Sacheri.
•    Patria de Fernando Aramburu.

E as outras dúas, no de Novela en Lingua Estranxeira:

•    Brújula de Mathias Enard.
•    La guitarra azul de John Banville.
•    Morir en primavera de Ralf Rothmann.

X Xornada dos Clubs de lectura

O sábado 17 de xuño participamos na X Xornada dos Clubs de lectura, celebrada no Palacio de congresos e exposicións de Santiago de Compostela, cun amplo programa de obradoiros destinados ao alumnado participante e actividades para compartir experiencias e lecturas. E nós tamén nos somerxemos na Festa da Lectura.

Para ver máis:

http://etikeles.blogaliza.org/2017/06/19/nas-x-xornadas-dos-clubs-de-lectura/

Entradas en Twitter co cancelo #Xclubslecturagal

Fotografías en Twitter co candelo #Xclubslecturagal

Vídeos en Twitter co cancelo #Xclubslecturagal

Emisións en directo en Twitter baixo o cancelo #Xclubslecturagal

Un dos intres máis emotivos na sesión final con Xabier Díaz & Adufeiras de Salitre

As laranxas

O alumnado de 1º ESO A quixo homenaxear a Carlos Casares coa lectura dramatizada e ilustracións para As laranxas máis laranxas de todas as laranxas.

Acollida

Xa tivo lugar a acollida do alumnado de 6º de Educación Primaria que visita o centro. Na biblioteca coñeceron as diferentes zonas e servizos que ofrece e coa roseta da CDU entenderon como se organizan os documentos. Finalmente, recibiron os premios do concurso literario Joao de Novoa organizado polo Equipo de Dinamización da Lingua Galega.

As galas do defunto

O alumnado de 4º de ESO e de Literaturas Hispánicas de 1º Bacharelato asistiu á representación de As galas do defunto de Valle-Inclán levada ás táboas polo Centro Dramático Galego.

DÍA DAS LETRAS

Celebramos o Día das Letras con imaxes de actividades que o alumnado está a desenvolver para coñecer a obra e homenaxear a figura de Carlos Casares. 
Visita tamén O cartafol do vento.

Ilustración: Álex Souto de Dios, 1º ESO B