SEARCHING FOR THE TOURIST

Last 20th May the group of 1st Bachillerato spent the day in  Santiago de Compostela interviewing  pilgrims and tourists from all nationalities.

We had a good day! 

Here are some of the students’ comments.

PRESUME DE GALEGO

Na Semana das Letras, nós tamén queremos presumir e compartir o vídeo que nos achega a Coordinadora de equipos de normalización e dinamización da lingua galega.

PREMIOS A BIBLIOSELFIE

Rematan as actividades programadas pola biblioteca para o Día do Libro coa entrega de premios ás biblioselfies subidas a Twitter, co hashtag #abiblioselfie, realizadas para visibilizar os libros e as persoas lectoras a través das redes sociais.

Parabéns a todos os participantes e, especialmente, ás persoas premiadas.

PREMIOS A BILIOSELFIE - Kizoa Movie Maker

DÍA DAS LETRAS GALEGAS

Xa vén o maio cargado de letras! E o Equipo de Normalización e Dinamización da lingua galega colocou os carteis coa información do homenaxeado este ano. Vén á biblioteca e busca a información necesaria para responder as cuestións do formulario e poder participar no concurso Información Día das Letras, organizado pola biblioteca e o equipo de normalización.

Ademais, ofrecémosche esta liña do tempo sobre o autor, elaborada no IES SAN PAIO de Tui. 

ILLA DE SAN SIMÓN

O alumnado de 3º ESO e 1º Bacharelato visita as illas de San Simón e San Antonio, localizadas na enseada que conforma a ría de Vigo, fronte a Cesantes. Unhas illas, posiblemente utilizadas xa durante a época prerromana, que comezan a ter historia de seu na Idade Media, cun amplo período monacal co culto ao santo e que no século XIII Mendinho recolle na súa cantiga "Sedía-m' eu na ermida de San Simión". 
Posteriormente, as incursións corsarias que no século XVI leva a cabo Francis Drake e en 1702 a Batalla de Rande que remata co afundimento e incendio da frota hispano-francesa e orixina a lenda sobre os tesouros dos galeóns afundidos que Jules Verne aproveita nunha das pasaxes de Vinte mil leguas de viaxe submarina.
De 1842 a 1927, lazareto marítimo e de 1936 a 1943, o maior campo de concentración do país, polo que pasan cerca de seis milleiros de persoas, como se aprecia en O lapis do carpinteiro de Manuel Rivas.

PENÚLTIMAS TENDENCIAS

Penúltimas tendencias, escrito por Carlos Negro, é un libro de poemas cuxa voz poética é a dunha adolescente que rompe o clixé da adolescencia rosa, contrapóndoa coa das mozas que visten de negro e se rebelan contra todo e contra todos.

O positivo deste libro apréciase na intención do autor de dignificar a muller nuns tempos nos que continuamente nos bombardean con publicidade enganosa e escravizantes estereotipos. Ademais, un arsenal de denuncias de temas que, desafortunadamente, están en auxe, destacando a violencia de todo tipo, a inxustiza, a penosa situación da muller e a manipulación á que estamos expostos. Tamén destaca o feito de ser un libro xuvenil, dirixido a esas mozas que están buscando a súa identidade.

Por outra banda, o autor foxe dunha xeneralización, a da adolescente de rosa superficial e interesada en revistas de adolescentes, en Disney Channel ou na lista de éxitos dos 40 principais, para meterse noutra, a da adoelscente rebelde que pasa de tacóns, maleducada, que "fai cachizas as fotos da infancia", viste de negro e elixe "o vestido máis feo". Pero, acaso para ser fiel a unha mesma, hai que pintar as unllas e as paredes de negro, esnaquizar as fotos ou vestir roupa fea?

Eu penso que non. Unha muller debe buscar a súa beleza, esa que a ela lle gusta, non aos demais. Seguir unha moda non ten nada de malo se se fai porque gusta e non porque todos o fagan. Unha muller non mostra personalidade por vestir de negro, non se trata da roupa, e Carlos Negro limítase ás aparencias: o importante é mostrar que non se é coma as demais. Non obstante, é de agradecer a defensa dos dereitos da muller, presente en todo o libro.

ALBA CARRERA DOVAL, 2º BACHARELATO

ENCONTRO CON FRAN ALONSO

No Salón Rosalía de Castro tivo lugar o encontro de Fran Alonso coas lectoras e lectores de dúas das súas obras, Cartas de amor e Cidades. E a poesía xurdiu, coa palabra, a música, o silencio e a maxia. E non morde, non é aburrida nin difícil. Hai moitos tipos para que elixamos e serve, sobre todo, para explicar as razóns e as emocións que non veñen no dicionario. Gocemos, pois, da poesía.