Os membros do club de lectura participaron onte nas Tertulias literarias de Ourense, organizadas pola concellería de educación. Xa que logo, trasladámonos á cidade para comentar a novela Matarte lentamente de Diego Ameixeiras con mozas e mozos de Allariz e Xinzo de Limia e logo asistir, xunto cos clubs da cidade, ao encontro co autor que desvelou as claves da súa creación, respondeu as preguntas dos lectores e asinou todos os exemplares.
Unha excelente celebración do Día do Libro coa presenza de lectoras/es, autor, editorial, concello e persoas mediadoras da lectura.
